Шведска денес објави дека испраќа нов пакет воена помош во вредност од 12,9 милијарди круни (1,42 милијарди долари) за Украина, со фокус на зајакнување на воздушната одбрана, соопшти шведското Министерство за одбрана. Ова е најголемиот поединечен пакет помош што Шведска го обезбедила досега, објави „Киев Индепендент“.
„Главниот дел од пакетот е шведска иницијатива за обезбедување на Украина со напредни капацитети за воздушна одбрана со краток дострел“, се вели во соопштението.
„Тоа е модуларно дизајниран систем кој вклучува артилериски и ракетни системи, пресретнувачи, системи за електронско војување, активни и пасивни сензори и системи за команда и контрола.“
Иако во соопштението не се споменува системот, неодамнешните шведски изјави се осврнаа на системот за воздушна одбрана „Тридон“, произведен од „BAE Systems Bofors“.
„Тридон“ е самооден, далечински управуван противвоздушен топ од 40 мм, за кој производителот вели дека може да се спротивстави на „дронови и крстосувачки ракети, како и на авиони и оклопни возила“.