Откако во неделата вечерта беа пронајдени две тешко повредени деца во Хаселби во близина на Стокхолм, таткото денеска призна дека ги нападнал.
Мажот признал дека ги повредил своите деца со нож, изјави неговиот адвокат на денешниот состанокот со судијата, јави шведската телевизија СВТ.
Тој исто така рече дека ги фрлил двете деца на земја од голема височина. Едно од децата почина во понеделникот, а другото има повреди опасни по живот.
Децата, и двете помали од 10 години, ги пронашле случајни минувачи пред зграда. Некои медиуми јавија дека тие паднале од балкон.
Таткото и една жена се уапсени под сомнение за убиство и обид за убиство. Жената била ослободена во понеделникот вечерта.
Судот во градот Солна нареди на човекот да му биде одреден притвор до 15 декември.
