Земјотрес со интензитет од 5,6 степени според Рихтеровата скала ја погоди денес источна Турција, соопштија службите за вонредни ситуации во земјата.
Земјотресот го погоди округот Батагази во покраината Малатаја во 9:00 часот наутро на длабочина од седум километри, според Агенцијата за управување со катастрофи и вонредни состојби.
Засега нема извештаи за штети, но телевизиските снимки покажуваат дека училиштата се евакуираат и луѓето бегаат од зградите.
Турција се наоѓа на големи геолошки раседи и земјотресите се чести.
Земјотресот со магнитуда од 7,8 степени по Рихтер во 2023 година усмрти повеќе од 53.000 луѓе во Турција и уништи или оштети стотици илјади згради во 11 јужни и југоисточни провинции. Уште 6.000 луѓе загинаа во истиот земјотрес што ги погоди северните делови на соседна Сирија.