Од раните утрински часови преовладува многу силно и нестабилно време на цела Далмација.
Во морето помеѓу Приможен и Рогожница се појави и многу силно водено торнадо, кое траело повеќе од 10 минути, но за среќа не стигна до копното.
Помали водени торнада се појавија и во близина на Брела, но и во близина на Сплит.
Сплит и пошироката област денес беа погодени од силен дожд проследен со грмежи и град, а некои приградски патишта беа поплавени.
Температурата се спушти на само 15 степени, а во повисоките региони е постудено.
Во Сплит наврнале дури педесет литри дожд на метар квадратен.