Жителите од двете кули во населбата „Мирче Ацев“ во Тетово мака мачат со отпадот пред нивната зграда. Тие се жалат дека жителите од другите населби и села доаѓаат и фрлаат отпад пред зградата каде се наоѓа контејнер за отпад од 5 тони. Според жителите општината треба да најде решение и покрај тоа што се жалеле веќе неколку пати, но до сега нема никакво решение. Во моментот кога Јавното Претпријатие ќе го исчисти тоа, отпад се фрла и на земја, може да се најдат фрлени теписи, мебел и шут. Велат дека ова не е единствен проблем бидејќи кога врне вода излегува од канализацијата и се собира пред влезот од зградата.
Од Јавното општинско претпријатие велат дека ќе остварат средба со жителите и заедно ќе се обидат да најдат решение за отпадот, а што се однесува до канализацијата, со истекување на вонредната состојба ќе може да се најде решение, бидејќи според директорот Џељал Цека каналот во овој дел е парцела без сопственик.
„Ние баравме да најдат друга локација и да испратиме контејнер за отпад од еден тон во близина на зградата и да го користат граѓаните од таа зграда“, истакна Џељал Цека.
Ист проблем има и кај православните гробишта како и во некои периферни делови од градот каде граѓаните фрлаат шут и стар мебел. Оваа ситуација е последица од немањето депонија за цврст отпад која неколку пати досега беше ветена, но до ден денеска ништо од тоа.