Сообраќајка несреќа во центарот на Скопје

НАЈНОВИ ВЕСТИ

Сообраќајна несреќа се случила вечерва во центарот на Скопје, кај Соборниот храм, односно на аголот меѓу булеварите „Партизански одреди“ и „Климент Охридски“.

Повеќе возила се судриле, додека пак едно од возилата удрило и во споменикот на Св. Климент Охридски

На терен е полиција која го регулира сообраќајот, а има и возило на Брзата помош.

Според информациите на терен, повредено е 20-годишно момче на кое медицинска помош му била укажана на самото место.

Според сведоците на несреќата, момчето лежело неподвижно.

Поради врнежливото време, улиците низ градот се лизгави, а градските служби препорачуваат внимателно возење.

ФОТО: Курир.мк