Српскиот министер за внатрешни работи Ивица Дачиќ вчера беше хоспитализиран поради пневмонија и неговата состојба се оценува како многу сериозна.
Дачиќ беше хоспитализиран на Клиниката за пулмологија при Клиничкиот центар на Србија поради тешка пневмонија и е на вентилатор.
Помошникот-директор за пулмологија, Спасоје Попевиќ, денес изјави дека неговата здравствена состојба е сè уште тешка, но дека ситуацијата е постабилна отколку во среда навечер.
„Тој е сè уште во сериозна здравствена состојба. Борбата продолжува, тој е на механичка вентилација и во овој момент успеавме да ја стабилизираме неговата состојба“, рече Попевиќ.
Тој додаде дека е прерано да се даваат какви било прогнози.
Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и дека неговата здравствена состојба е нешто подобра.