Ова и го порачала баба Невена за време на изборната кампања на градоначалничката на Скопје, Данела Арсовска, а во одговорот тврди дека добила ветување дека такво нешто нема да се случи. Од друга страна, Арсовска пред неколку дена рече дека улицата Цетињска ќе стане булевар според програмата за која гласале самите граѓани.
Но, против одлуката на Арсовска е и градоначалникот на Бутел, Дарко Костовски, кој рече дека граѓаните нема да дозволат узурпација на населбата со згради, а додаде дека тој стои зад нив.
Жителите на Бутел ја обвинуваат градоначалничката на Скопје дека целта и е да подготви терен за градби, а не за улица, бидејќи според нив не постои реална можност оваа улица да се претвори во булевар, бидејќи доволно е само нејзино проширување.
Инаку, градоначалникот на Бутел најави дека на утрешната седница на Советот на општината ќе биде покрената постапка за укинување на плановите со кои се предвидува изградба на згради во Бутел 1 и 2.