Овие снимки се од тетовската обиколница, која треба да го поврзе автопатот А2 со регионалниот пат Тетово–Јажинце. Градежните работи започнаа пред една година. Жителите на селото Требош во текот на летото се справуваат со прашина, додека во деновите со дожд со кал и дупки. Патот е оштетен уште во јуни и до денес останува во оваа состојба. Денес бевме во селото Требош, општина Желино. Жителите, револтирани, прашуваат како се изведуваат работите и изјавуваат дека не очекуваат патот да биде завршен ни во следните две години.
Што да ви кажам, сами гледате колку штета имаме. Тој пат нема да се направи ни за две години. Селото го оштетува со автомобилите, а земјоделството сто отсто го оштетува. Не знам што прават тие господа на столчињата. Земјоделците од него живеат, го оштети со лубеници, со пиперки, со сè. Срамота е. Пред две години нема шанси да се направи. Срам за државата. А ние зборуваме за Европа!? Каква Европа, тие го дават народот, вели жител.
Се гледа колку пречи, за што се разговара за тој пат. Дојдовте ли до тој пат, видевте ли како беше? Никој не доаѓа да објасни ништо, доаѓаат само кога имаат интерес за гласови и за добро, вели жител.
Ни нанесува голема штета. Сега доаѓа зимата, летото имавме проблеми со правот, сега доаѓа зимата, има дупки и автомобилите ни се оштетуваат. Пред една година започнаа, а кога ќе завршат не знаеме, вели жител.
Треба, но јас немам коментар за тоа; залудно е. Никој не бил, јас не сум слушнал дека ќе дојде некој. Во 2035 ќе се направи, така како што почнаа да работат, вели жител.
Во писмен одговор, заменик-директорот на Државни патишта, Тахир Таири, изјави дека работите треба да завршат многу наскоро.
–Продолжуваат градежните работи за изградба на тетовската обиколница, која ќе го поврзе автопатот Скопје–Тетово (А2) со регионалниот пат Тетово–Јажинце (Р1203). Обиколницата започнува кај селото Требош и завршува кај селото Непроштен, со вкупна должина од 5,3 километри. Се очекува обиколницата да биде завршена наскоро и ставена во функција, со што значително ќе се подобри сообраќајот и квалитетот на животот во Тетово. Како заменик-директор, останувам посветен работата да се одвива со стабилно темпо и со јасна цел да се заврши секој сегмент во утврдени рокови, вели Тахир Таири, заменик директор на ЈП Државни патишта.
Инаку, обиколницата има должина од 5,3 километри и нејзината изградба ќе биде голема помош и за економската зона во Тетово.