TikTok и ByteDance поднесоа правно барање за привремено блокирање на законот за да му дадат на Врховниот суд повеќе време да го разгледа прашањето околу забраната за употребата на социјалната мрежа. Одделот за правда повика барањето да биде отфрлено бидејќи аргументите на TikTok веќе еднаш се отфрлени.
TikTok и ByteDance укажуваат дека законот е избрзан поради изборот на Доналд Трамп, кој за време на кампањата вети дека ќе го поништи законот. TikTok укажува дека дури и привремената забрана од почетокот на 2025 година би имала „погубни ефекти“ врз нејзиниот бизнис . Компанијата посочува дека таквата акција ќе има непоправливо влијание врз 170 милиони Американци кои секојдневно ја користат платформата. Во исто време, привремената забрана би влијаела на загубата на приход, загубата на корисниците и креаторите кои создаваат содржина за платформата.
Во петокот судиите ја отфрлија идејата дека законот е неуставен. Тие заклучија дека законот е внимателно осмислен и се занимава со контрола на влијанието на странските држави, како и дека овој закон може позитивно да влијае на заштитата на националната безбедност.