Тимот на Пандев пријави 14 случаи на коронавирус

Џенова, екипата во која игра Горан Пандев, пријави 14 заразени со коронавирус. Освен играчи, биле пријавени и членови на стручниот штаб.

Од таборот на италијанскиот тим не истакнуваат за кои играчи станува збор и дали Горан Пандев е меѓу позитивните.

Тестовите биле направени денеска, после вчерашното гостување на екипата во Неапол. Целиот тим е веднаш ставен во изолација.

Претходно Џенова информираше за два позитивни случаи на Ковид-19: голманот Перин и играчот Шене.

Сега ќе треба да се тестира и тимот на Наполи во кој игра Елиф Елмас.