Патиштата и пазарите се испразнија во текот на попладнето, а дел од земјоделците преминаа на ноќна работа за да го избегнат топлотниот бран што зафати големи делови од Индија.
Индиската метеоролошка служба за денеска прогнозира температура од 45 степени Целзиусови во главниот град Њу Делхи, каде што властите отворија привремени „зони за разладување“ за да им помогнат на жителите.
Метеоролозите предупредија дека ваквите временски услови најверојатно ќе се задржат во неколку северни региони и во наредните денови, при што температурите ќе останат значително над сезонскиот просек.
Властите ги повикаа граѓаните да останат во затворени простории во најтоплиот дел од денот и да преземат мерки на претпазливост.
Локалните медиуми потсетуваат дека Индија прогласува топлотен бран кога температурата ќе надмине 40 степени Целзиусови.
Екстремните горештини веќе го нарушија секојдневниот живот во неколку северни индиски држави.