Претседателот на Соединетите Американски Држави, Доналд Трамп, откажа 810 милиони долари од потрошувачката што ја одобрил Конгресот, соопшти денеска Белата куќа.
Администрацијата укина 567 милиони долари наменети за услуги за бегалци, баратели на азил и други мигранти преку Министерството за здравство и социјални услуги, како и 50 милиони долари за програми за помош на имигранти и странци, 70 милиони долари за меѓународни образовни програми и 56 милиони долари за програми за домување и урбан развој.
Белата куќа соопшти дека Трамп сака да ги искористи сите расположливи механизми за намалување на, како што оцени, „расипничката и штетна државна потрошувачка“.