Претседателот на Соединетите Американски Држави Доналд Трамп со бизнис делегација пристигна во Саудиска Арабија утрово, започнувајќи четиридневна турнеја низ Заливот.
Саудискиот престолонаследник Мохамед бин Салман го пречека Трамп, објави „Аларабија њуз“.
Во придружба на американски бизнисмени, вклучувајќи го и извршниот директор на „Тесла“ и советник на Трамп, Елон Маск, Трамп прво ќе го посети Ријад, каде што се одржува саудиско-американскиот инвестициски форум, пред да отпатува во Катар и Обединетите Арапски Емирати во четврток.
Откако влезе во воздушниот простор на Саудиска Арабија, пет борбени авиони го опколија авионот на Трамп и го чуваа се до неговото слетување.
Good morning from Air Force One, Saudi Arabia! Thank you for the escort, and having President Trump’s back—We all appreciate it. See you on the ground shortly, THANK YOU!!!🇺🇸🇸🇦 pic.twitter.com/iGuqfCvnwt
— Dan Scavino (@Scavino47) May 13, 2025
За Трамп ова е прва државничка турнеја од почетокот на неговиот втор мандат.