Американскиот претседател Доналд Трамп изјави дека Израел има „доста од свои проблеми без да ја киднапира Грета Тунберг“, откако беше запрена хуманитарната флота со која таа патуваше кон Газа.
Американскиот претседател ја нарече шведската активистка Грета Тунберг „лута млада личност“ откако нејзиниот обид да ја пробие блокадата на Газа беше спречен од израелската морнарица .
„Таа е чудна личност . Млада, лута личност. Не знам дали таа лутина е вистинска. Тешко е да се поверува, искрено, но видов што се случи. Таа е дефинитивно поинаква… Мислам дека ѝ треба курс за управување со лутина “, рече Трамп.