Во кривичниот суд се одложи судското рочиште за предметот „Транспортер“ поради отсуство на првообвинетиот екс градоначалникот на Битола, Владимир Талески.
Случајот се наоѓа во завршни зборови и е пред самиот крај по што следува првостепена пресуда.
Како што дознава ТВ21, синоќа Талески е хоспитализиран во битолската болница со здравствени проблеми.
Во „Транспортер“ обвинети се поранешниот битолски градоначалник Владимир Талески и уште 20-тина лица за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.
Предметот го води судијката Добрила Кацарска, а застапник на обвинението е Трајче Пеливанов.