Три лица загинаа во експлозија во близина на Неапол

Три лица загинаа, а еден работник сè уште се води како исчезнат по експлозијата што се случи денес во компанија за управување со отпад во близина на јужноиталијанскиот град Неапол.

На местото на настанот пристигнаа неколку противпожарни служби. Експлозијата се случила во објект во покраината Казерта, северно од Неапол.

Според првичните информации од пожарникарите, несреќата се случила за време на работи за одржување во објектот за управување со отпад. Две лица се полесно повредени.

Властите сè уште не објавија детали за точните околности на несреќата.