Владата на Србија донесе одлука за тродневна жалост по повод трагедијата која утрово се случи во ОУ „Владислав Рибникар“ во центарот на Белград.
Осум деца и еден вработен на обезбедувањето ги загубија животите. Наставничка и четири деца се хоспитализирани. Едно дете е во животозагрожувачка состојба и лекарите се борат за живот.
Според истрагата, нападот бил планиран. Ученикот имал со себе и список на деца кои требало да ги ликвидира. Носел и молотови коктели.
Наставата во сите училишта низ Србија денеска е прекината, а утре ќе биде по скратен распоред и со минута молчење.