Турското судство денес издаде налози за апсење на израелскиот премиер Бенјамин Нетанјаху и неколку израелски функционери, наводно за злосторства против човештвото и геноцид.
Според Канцеларијата на главниот обвинител во Истанбул, налозите за апсење се однесуваат на вкупно 37 осомничени, меѓу кои министерот за одбрана Израел Кац и министерот за национална безбедност Итамар Бен Гвир, пренесува Анадолија.
Во соопштението се наведува дека, како резултат на геноцидот и злосторствата против човештвото што систематски ги изврши Државата Израел во Газа, илјадници луѓе, вклучувајќи жени и деца, ги загубија животите, илјадници други се повредени, а станбените области станаа неупотребливи.