Ендру Маунтбатен Виндзор , попознат како поранешниот принц Ендру, беше уапсен денес во Велика Британија. Според првичните информации, тој е уапсен под сомнение за злоупотреба на јавна функција. Уапсен на неговиот 66-ти роденден.
Членот на кралското семејство повторно е под лупа откако беа пронајдени докази во „Досиејата Епштајн“ дека му дал доверливи владини документи на својот пријател Џефри Епштајн, осуден сексуален престапник за трговија со луѓе. Би-Би-Си објави дека во четврток наутро, возила биле видени пред имотот Сандрингам во Норфолк, каде што моментално живее Ендру.
„Како дел од нашата истрага, денес уапсивме маж на возраст од околу 60 години од Норфолк под сомнение за злоупотреба на јавна функција и вршиме претреси на адреси во Беркшир и Норфолк. Мажот моментално е во полициски притвор. Нема да го објавуваме името на уапсеното лице, во согласност со националните упатства. Ве молиме, имајте предвид дека овој случај е моментално активен, па затоа треба да се внимава при објавувањето за да се избегне кршење на законот за прекршоци против судот“, се вели во соопштението на полицијата.
„По темелна проценка, отворивме истрага за ова тврдење за злоупотреба на јавна функција. Важно е да го заштитиме интегритетот и објективноста на нашата истрага додека работиме со нашите партнери на истрагите за ова наводно кривично дело. Го разбираме значајниот јавен интерес во овој случај и ќе дадеме навремено информации“, рече помошникот комесар Оливер Рајт.