Депонијата Буково кај Охрид останува еден од најголемите проблеми за овој град. Често може да се види како гори, а речиси постојано има чад. Решението за овој проблем и преместувањето на депонијата е изградбата на регионалната депонија во Новаци, за која проектот сѐ уште не е реализиран, иако долго време се зборува за овој проект.
Градоначалникот на Охрид, Кирил Пецаков, очекува изградбата на депонијата да започне напролет и да биде завршена за четири до пет години.
Покрај жителите, за овој проблем реагираат и организации за заштита на животната средина. Од организацијата О2 велат дека депонијата „Буково“, која е во близина на Охрид и Преспа, често гори и испушта чад. УНЕСКО во 2017 година побара депонијата да биде затворена до декември 2020 година, но сѐ уште ништо не е преземено. Оваа депонија нема да биде затворена во догледно време.
Проблеми со депониите имаат и други градови како Струга, Кичево, Охрид.