Управата за матични книги на протест пред министерството за правда и финансии за колективниот договор

ПОСЛЕДНИ ВЕСТИ

Стартуваа од Паркот „Жена борец“, се задржаа пред Министерството за правда, а протестот го завршија пред Министерството за финансии. Тука, Независниот синдикат на Управата за водење матични книги, го повтори барањето за колективен договор за кој се договорија со Министерството за правда, а кој предвидува зголемување на платите за 30% и плус 50% од просечната плата за К-15. Според претседателот на Конфедерацијата на синдикалните организации на Македонија, Марјан Ристески, иако барањата во ресорот финансии се доставени уште на 13 мај, сѐ уште не се повикани на средба.


Првиот човек на Независниот синдикат на Управата за матични книги, Тони Милошески, вели дека не направиле пресметка за колку пари станува збор и дека не знаат дали средствата се опфатени во ребалансот на буџетот. Тоа очекуваат да го каже Министерството за финансии.

Протестите и штрајкот на околу 500 вработени во Управата траат речиси месец дена. Документи се издаваат само за итни случаи.