Најмалку едно лице е убиено, а 11 се повредени, меѓу кои и едно дете, синоќа во Украина, во близина на Киев, во напад со руски беспилотни летала, соопштија локалните власти.
Шефот на воената администрација за регионот Киев, Микола Калашник, преку Телеграм го осуди „непријателскиот напад врз Вишгород во кој едно лице беше убиено, а 11 беа повредени, од кои шест беа однесени во болница“, наведувајќи дека станува збор за нова офанзива на руски беспилотни летала, како што беше случајот во текот на целата ноќ од петок до сабота во неколку населби на главниот град на Украина.
Тој рече дека спасувачите ги евакуираат жителите на висока зграда што беше погодена, каде што беа ангажирани и пожарникари.
Калашник предупреди дека бројот на повредени веројатно е уште поголем.
Овој напад што ѝ се припишува на Москва следува по нападот со беспилотни летала врз голема нафтена инфраструктура во руско пристаниште на Црното Море, за кој одговорноста ја презеде Киев.
На дипломатски план, Украина испрати делегација во САД на нови преговори во потрага по решение за завршување на војната, во време кога земјата е под силен притисок на воениот и политичкиот фронт.