На аеродромот Хитроу се судриле два авиони, а во инцидентот им биле оштетени крилата.
Во инцидентот учествувале авион на Бритиш ервејс со 121 патник и авион на Вирџин Атлантик. Од Хитроу беше соопштено дека на овој настан нема повредени и нема доцнење на летот.
„Вирџин Атлантик“ соопшти дека неговиот празен Боинг 787-9 бил на пат, поточно „влечен“ од штандот на Терминалот 3 кога судирот се случил околу 12:00 часот по локално време.
Авиокомпанијата додала дека авионот штотуку слетал и се превезувал до друг дел од аеродромот.
Two passenger planes on the tarmac at Heathrow Airport have suffered damage after coming into contact ✈️💥✈️
— Sky News (@SkyNews) April 6, 2024
Full story ➡️ https://t.co/hanR0vF3SN pic.twitter.com/G39O0e4XkD
Бритиш ервејс објави дека обезбедил алтернативен авион за своите патници.
Од „Вирџин Атлантик“ соопштија дека го истражуваат инцидентот и дека се вршат проверки за одржување на нејзиниот авион, кој бил повлечен од сообраќај.
Влечењето го обезбеди копнена компанија по договор со Вирџин Атлантик, се вели во соопштението.
Planes collide at Heathrow: Virgin 787 jet hits wing of British Airways Airbus on the tarmac in front of stunned passengers https://t.co/RkL397NCHy pic.twitter.com/625F57ekYX
— Daily Mail Online (@MailOnline) April 6, 2024
Портпаролот на Хитроу рече:
„Работиме заедно со службите за итни случаи и нашите партнери во авиокомпанијата како одговор на инцидентот со два авиони. Нема пријавени повредени патници и не очекуваме да има некакво влијание врз функционирањето на аеродромот“.
На местото на настанот превентивно излегла Брза помош.
Истрагата е во тек.
