Со скандирања „Не сакаме мигранти“ и „Турците нема да шетаат низ градот“, вечерва се одржа голем протест пред зградата на црногорската влада во Подгорица, откако група странци избодоа младо лице во неделата. Обвинителите објавија дека во врска со инцидентот се уапсени еден турски и еден азербејџански државјанин.
Демонстрантите носеа транспаренти на кои пишуваше „Се браниме од понатамошна миграција, бодење, силување, окупација“. Директорот на црногорската полиција, Лазар Шќепановиќ, изјави на јавната телевизија дека полицијата ќе обезбеди мир и безбедност на територијата на целата земја.
Инцидентот предизвика бран насилства во кои, од неделата, беше демолиран ресторан во сопственост на турски државјанин, а автомобил запален во салон на отворено управуван од турска компанија. Во вторник навечер, два бара во сопственост на турски државјани беа демолирани во црногорскиот град Бар. Повеќето барови во Подгорица во сопственост на Турци беа затворени денес.
Полицијата објави дека осум лица се уапсени во Подгорица за кривични дела со елементи на поттикнување национална и верска омраза и насилство.
Владата вчера одлучи привремено да го суспендира безвизниот режим за турските граѓани. Црна Гора, која има население од околу 623.000, има околу 100.000 странци кои постојано живеат таму, од кои околу 14.000 се Турци.
Црна Гора привремено го замрзна безвизниот режим за турските државјани.
Tonight in Podgorica 🇲🇪 a protest in front of the Montenegrin government over the recent incident when a Turkish 🇹🇷 citizen stabbed one person with knife.
"Turks go out"! pic.twitter.com/9QIMkEFdE7
— Based Serbia (@SerbiaBased) October 28, 2025
🚨🇲🇪WATCH: New footage of PATRIOTS in Podgorica, Montenegro marching through the streets, searching for aggressive Turks.
Turkish authorities said earlier that they are concerned for their citizens safety. pic.twitter.com/yav4ooWpAZ
— Mario ZNA (@MarioBojic) October 28, 2025