Турски воен транспортен авион Ц-130 се урна денес на границата меѓу Грузија и Азербејџан, соопшти турското Министерство за одбрана.
Во објава на социјалните мрежи на министерството се наведува дека авионот полетал од Азербејџан кон Турција и дека во координација со властите на Азербејџан и Грузија веднаш се започнати операции за пребарување и спасување , објавува турски „Хуриет“.
Министерот за внатрешни работи на Турција, Али Јерликаја, изрази жалење за несреќата и изјави дека спасувачките операции се уште се во тек.
„Разговарав телефонски со министерот за внатрешни работи на Грузија, Гела Гелаџа, кој исто така оди на местото на несреќата. Изразувам сочувство до нашиот народ“, напиша Јерликаја на социјалните мрежи.
Ц-130 Херкулес, произведен од американската компанија „Локид Мартин“, има четири мотори и е наменет за воени транспортни задачи.
#BREAKING: Turkish military cargo plane C-130 crashes on Georgia-Azerbaijan border, Turkey's defense ministry says pic.twitter.com/mf01L78o0V
— Gautam Agarwal 🇮🇳 (@gauagg) November 11, 2025
At least share the video.. A Turkish C-130 transport plane crashed over Georgia after taking off from Azerbaijan bound for Turkey. pic.twitter.com/kQynC970qJ
— Rami Rahamim רמי רחמים (@RamiRahamim) November 11, 2025