Североисточна Шпанија, вклучително и Каталонија, беше погодена од силни дождови во саботата, предизвикувајќи значителни пореметувања во сообраќајот и поплави во повеќе градови.
Метеоролошката агенција Аемет прогласи црвен метеоаларм за поголемиот дел од Каталонија, откако во одредени подрачја наврнаа над 100 литри дожд на квадратен метар за само неколку часа.
🚨BREAKING: CARS SWEPT AWAY – SPAIN HIT BY SUDDEN FLOODS
— HustleBitch (@HustleBitch_) July 12, 2025
Roads gone. Vehicles sunk. Chaos out of nowhere.
Catalonia just got slammed and they’re calling it “natural.”
You still think this is just weather?pic.twitter.com/8MWUPbCuyd
Во Барселона, поплавена беше болница која поради прекин на струјата мораше да прекине со прием на нови пациенти. На аеродромот во Барселона, патнички авион кој требаше да лета кон САД се вратил назад поради оштетување на носот од град.
Железничкиот сообраќај низ Каталонија беше целосно прекинат неколку часа поради невремето. Компанијата „Ренфе“ ја суспендираше работата на сите брзи, регионални и приградски линии.
И покрај сериозноста на временските услови, службите за итни случаи соопштија дека над 70 лица побарале помош, но нема извештаи за сериозно повредени. Црвениот аларм беше укинат два часа по активирањето, но предупредувањата за нестабилно време остануваат на сила.
Severe floods due to torrential rainfall in Tarazona, Zaragoza Province, Spain 🇪🇸 (11.07.2025) pic.twitter.com/W9KS6JCL9M
— Disaster News (@Top_Disaster) July 12, 2025
Покрај Каталонија, силни врнежи беа забележани и во Арагон и регионот Валенсија. Властите повикуваат на претпазливост поради можно влошување на временските услови.