Снимка снимена на брод што ја следел подморницата „Титан“ може да се слушне како таа имплодира, објави Би-Би-Си. „Титан“ имплодираше приближно 90 минути по нуркањето кон остатоците од „Титаник“ во јуни 2023 година, при што загинаа сите пет патници.
Извршниот директор на „Оушенгејт“, Стоктон Раш, британскиот истражувач Хамиш Хардинг, искусниот француски нуркач Пол Анри Наржеолет, британско-пакистанскиот бизнисмен Шахзада Давуд и неговиот 19-годишен син Сулеман му платија на „Оушенгејт“ за патувањето за да го видат бродоломот што се наоѓа на длабочина од околу 3.800 метри.
На Би-Би-Си му беше одобрен пристап до истрагата на Американската крајбрежна стража (USCG) за потребите на документарец за катастрофата. На видео кое неодамна го доби американската гранична воена служба, Венди Раш, сопругата на Стоктон Раш, е прикажана како го гледа нуркањето од брод. Во еден момент се слуша звук на имплозија.
„Што беше тоа?“, праша Венди Раш.
Видеото беше презентирано како доказ пред Одборот за поморски истраги на крајбрежната стража на САД, кој ја истражува причината за имплозијата.
Кога подморницата достигнала длабочина од околу 3.300 метри, се слушнал звук сличен на трескање на врата. Венди накратко застана, погледна нагоре и ги праша членовите на екипажот што е тоа. Набрзо таа добила порака од подморницата дека испуштила два баласти, што очигледно ја навело на помисла дека нуркањето се одвива според планот.
Но, УСЦГ наведува дека овој звук всушност бил моментот кога Титан имплодирал. Пораката што ја примиле од подморницата веројатно била испратена непосредно пред дефектот, но стигнала до бродот откако до него дошол звукот од имплозијата.
Смртта на сите патници настапила веднаш. Пред несреќата, експертите за истражување на длабоко море и некои поранешни вработени во „Оушенгејт“ предупредија за недостатоци во дизајнот на „Титан“. Еден поранешен вработен ја нарече подморницата „злосторство“ и рече дека несреќата била „неизбежна“.
Ship footage shared with BBC captures sound of Titan sub imploding https://t.co/zXGxZJddK1
— BBC News (UK) (@BBCNews) May 22, 2025