Унгарската нискобуџетна авиокомпанија „Визер“ денес објави дека ќе ги суспендира сите летови од своето седиште во Обединетите Арапски Емирати поради недостаток на профитабилност, наведувајќи ја нестабилноста на Блискиот Исток, кој е зафатен од конфликти.
Во изјава на платформата X, оваа компанија објави дека ќе спроведе „стратешка реорганизација“ по „сеопфатна проценка на динамиката на пазарот, оперативните предизвици и развојот на геополитичката ситуација“ во регионот.
Визер нагласи дека војната предизвикана од нападот на Хамас врз Израел на 7 октомври 2023 година, како и неодамнешните непријателства меѓу Израел и Иран, доведоа до повторени затворања на воздушниот простор и пад на побарувачката.
НАЈНОВИ ВЕСТИ
