ВМРО-ДПМНЕ го обвини лидерот на СДСМ, Венко Филипче, за анти-македонски ставови, откако тие изјавија дека тој ја прославил победата на Бугарија на Евровизија. На прес-конференција, членот на Централниот комитет на ВМРО-ДПМНЕ, Валентин Манасиевски, рече дека Филипче е подготвен на сè за да дојде на власт, обвинувајќи го и за близок до бугарските политичари. ВМРО-ДПМНЕ соопшти дека Филипче веднаш ќе ги прифати уставните измени, и покрај предупредувањата од Софија дека барањата кон Скопје нема да запрат тука.
„Филипче први антимакедонец, гордо и со високо крената глава не ги осудува навредите на бугарските власти, бидејќи за него тие коментари се гордост и успех.
Иако од Софија јасно велат дека уставните измени не се последното барање, Филипче уште утре би ги внел Бугарите во устав, за потоа пак да можат да не блокираат.
Филипче први антимакедонец ќе направи се за да и наштети на својата држава, затоа што е уценет од група на бугарски политичари поради неговите криминали направени со Зоран Заев.
За среќа на граѓаните, Филипче први антимакедонец нема да може да ги исполни своите желби затоа што нема да дојде на власт. СДС е сега четврта партија во Македонија, а Филипче е меѓу политичарите со најниска доверба од граѓаните. На следните избори може и да ги снема од политичката сцена.“, вели Манасиевски.