ВМРО-ДПМНЕ со реакција околу тоа што премиерот и натаму се нема огласено по трагедијата во Тетово во која загинаа 14 лица. Опозицијата бара Заев да ја прифати оставката од Филипче, а потоа и тој да си поднесе оставка.
„Има ли земјава премиер, три дена го нема и бега од одговорност?!
Заев мора да знае дека неговата кариера е неважна кога 14 луѓе изгореа живи. Држењето за фотелја по секоја цена покажува дека Заев е личност без основни принципи и вредности.
Не е доволно што Филипче дава предлог за негова оставка. Треба Заев веднаш да ја прифати, и веднаш потоа и самиот да си поднесе оставка.
Само кога Филипче, Груби и Заев нема да бидат на функции ќе може да се изврши непристрасна и реална истрага која ќе даде одговор за виновникот за траорната несреќа во Тетово.
Заев колку и да се криеш, не можеш да избегнеш од одговорноста за сите загубени животи. Моралната одговорност мора да биде императив за секој политичар.
Оставки веднаш.“, велат од ВМРО-ДПМНЕ.