Сметот во Скопје беше една од главните теми во дебатниот магазин „Клик Плус“ на ТВ21 вечерва.
Дебатиравме со политикологот Борјан Ѓузелов, со професорот Берат Дехари, а наш соговорник беше и Никола Србов, политички аналитичар.
Сите се сложија дека сликата во главниот град не е добра, и дека најмногу страдаат граѓаните поради препукувањата на актуелната градоначалничка Данела Арсовска со ВМРО-ДПМНЕ, партијата која ја продолжи.
„Не ми се јасни директорите на Јавните претпријатија, треба да се запрашаат што им прават на своите сограѓани, и дали е тоа човечки“, изјави Србов.