Во општините Градско и Чашка изборите во фер и демократска атмосфера

ПОСЛЕДНИ ВЕСТИ

 Во општина Градско од регистрираните 3.113 избирачи на 11 избирачки места до 15:30 часот на гласање излегле 1.295 гласачи или 41,60 проценти од регистрираните на Единствениот избирачки список, посочи за МИА Мери Седмакова, претседател на ОИК Градско.

Таа појасни дека изборите се одвиваат во фер и демократска атмосфера, а проблемот со апаратите за читање отпечаток од прст од утринските часови, набрзо бил надминат.

Во општина Чашка од  регистрирани 6.174 гласачи на 31 избирачко место до 15:00 часот гласале 40 проценти од гласачите, истакна за МИА Марјан Јовановски, секретар на ОИК Чашка.

Изборите се одвиваат во фер и демократска атмосфера без инциденти, информира Јовановски.