Странските медиуми пренесуваат дека оваа недела повеќе од 1000 „ловци“ на богатство се упатиле кон селото Ква Хлати во јужноафриканската провинција Ква Зулу-Надал, надевајќи се дека ќе пронајдат дијаманти, откако во текот на минатиот викенд еден селанец пронашол необичен камен.
Тој се пофалил дека во селото на ливада нашол необичен камен и од тогаш мештаните почнале да копаат цел ден за да пронајдат ист таков камен.
Некои веруваат дека е во прашање кварц.
„Ова откритие ќе ги смени животите. Никој овде немал стабилна и сигурна работа, мојата фамилија би била пресреќна кога сум се вратил со овој камен дома“, рекол Мендо Сабело кој е татко на две деца.