Преку писмено соопштение Врховниот суд информира дека во текот на вчерашниот ден се донесени одлуки според кои се одбиени жалбите поднесени од страна на осудените Никола Груевски, Гордана Јанкуловска и Ѓоко Поповски во предметот „Тенк“ и ја потврдиле правосилната пресуда за предметот донесена од страна на Апелацискиот суд.
Поповски беше осуден на шест години и шест месеци затвор, каде веќе е на издржување на казната.
Второстепениот суд претходно ја потврди 2-годишната затворска казна за екс премиерот Никола Груевски за набавка на луксузниот мерцедес, додека пак на поранешната министерка за внатрешни работи Гордана Јанкуловска казната и беше намалена од шест на четири години затвор.
Министерството за правда повторно ќе побара екстрадиција на Никола Груевски од Унгарија.