Претседателот на СДСМ Зоран Заев во дебатниот магазин „Click Plus“ на ТВ21 посочи дека за граѓаните и компаниите поради коронавирусот ратите за април, мај и јуни ќе им бидат одложени за месец јули.
„Еден дел од компаниите може да влезат во криза зошто вработените им се дома, чуваат деца, еден дел зошто вработените им се под карантин, еден дел ќе влезат во криза зошто не може да набават усровини, други зошто им ги откажуваат договорите за продажба на производите. За нас сите фирми се домашни, без разлика дали имаат странски или домашен капитал, плаќаат даноци, даваат плати, еднакво гледаме на сите фирми. До крајот на неделата верувам дека ќе се развие целиот пакет мерки, за да можеме да ги одвратиме фирмите од неопходноста да испуштаат работници. Државата ќе подаде рака за да може да се одржат на достоинствени плати и да продолжат да функционираат и заедно сите да ја пребродиме кризата“, вели Заев.