УКРАИНАНСКИОТ претседател Володимир Зеленски објави дека планира да се сретне со американскиот претседател Доналд Трамп следната недела во Њујорк, а средбата ќе се одржи на маргините на Генералното собрание на Обединетите нации, пренесува Анадолија.
Клучни теми на разговорот
Во интервју за украинските медиуми, Зеленски објасни дека главните теми на разговорот ќе бидат безбедносни прашања, инвестиции и воена соработка. „Средбата со американскиот претседател Трамп ќе се одржи за време на неделата на високо ниво на Генералното собрание на ОН“, потврди Зеленски.
Дополнителни средби во САД
За време на посетата на Соединетите Американски Држави, Зеленски најави и средби со лидери на западни технолошки компании и одбранбениот сектор. Патем, 80-тата сесија на Генералното собрание на ОН започна на 9 септември, а дебатите со учество на светските лидери ќе се одржат на 23, 27 и 29 септември.