Украинскиот претседател Володимир Зеленски денеска соопшти дека повеќе од 100.000 луѓе во градот Миколаев останале без греење поради ударите на руските беспилотни летала „Шахед“ врз градската инфраструктура.
„Ова е обичен украински град, цивилна инфраструктура. Ова е уште еден доказ дека Русија се бори против нашиот народ и нашето секојдневие. Тоа не го прават оние кои навистина сакаат да воспостават мир и се подготвуваат за преговори“, рече Зеленски на својот канал Телеграм.
Тој додаде дека во тек се активни поправки за обновување на греењето во градот, објави Укринформ.