Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на војната во Украина, еден ден откако американскиот претседател најави нова средба со Владимир Путин во Будимпешта во наредните недели.
Трамп ќе започне серија дипломатски активности насочени кон прекин на руската инвазија, една недела откако помогна во посредувањето за прекин на огнот меѓу Израел и Хамас во Појасот Газа.
Зеленски рече дека ќе се сретне со претставници на одбранбени и енергетски компании пред средбата со Трамп во Овалната соба.
„Очекуваме дека моментумот во борбата против теророт и војната, кој е постигнат на Блискиот Исток, ќе помогне и во завршувањето на војната на Русија против Украина“, рече украинскиот претседател.
Зеленски исто така кажа дека ништо не се променило за Русија.
„Ништо не се промени за Русија, таа продолжува да ги тероризира животите во Украина. Рој беспилотни летала го нападнаа Кривуј Рог, погодувајќи ја цивилната инфраструктура. Имаше уште десетици напаѓачки беспилотни летала на нашето небо. Беа снимени и проектили. Всушност, ниту една ноќ во последните недели не помина без руски напади врз Украина. Повеќето од целите се инфраструктурни објекти, што е систематска кампања на терор против нашиот енергетски сектор.“
Русија се обидува да го претвори овој дел од Европа во остров на опасност и страдање за човечкиот живот. Клучот е да не се дозволи тоа да се случи. Русија ќе биде принудена да ја запре војната во моментот кога повеќе нема да може да ја води. А, нејзината вистинска подготвеност за мир не лежи во зборовите што на Путин никогаш не му недостасуваат, туку во вистинското прекинување на нападите и убиствата, и токму таму има проблем.
Путин сигурно не е похрабар од Хамас или кој било друг. Јазикот на сила и правда неизбежно ќе работи против Русија. Веќе можеме да ја видиме Москва како брза да го продолжи дијалогот штом ќе чуе за ракетите Томахавк. Затоа секој противоздушен систем е важен за Русија“, изјави Зеленски.
Already in Washington.
Today, I am having meetings with representatives of defense companies – producers of powerful weapons that can definitely strengthen our protection. In particular, we will discuss additional supplies of air defense systems. I will also meet today with… pic.twitter.com/MRFmPARkq1
— Volodymyr Zelenskyy / Володимир Зеленський (@ZelenskyyUa) October 16, 2025