Поради пренатрупаност во затворот Идризово, додека еден спие другиот треба да седи буден и да чека ред бидејќри креветот го делат двајца затвореници. Ова е само дел од забелешките што ги истакна народниот правобранител Насер Зибери во Дејли Клик. Состојбата е алармантна во затворот Идризово и како што вели условите се бедни и нечовечни.
Насер Зибери: Има ќелии за затвореници од само 1 метар кубен простор, има ќелии каде еден кревет го делат двајца затвореници, имаме дел од затворениците кои спијат по ходниците, имаме ќелии каде 50 затвореници користат еден тоалет.
ТВ21: А хигиената?
Насер Зибери: Каква хигиена може да има во такви услови, кога еден затвореник спие а другиот седи буден и откако ќе се разбуди другиот, може да спие тој бидејќи делат ист кревет, или кревет што е ставен во ходникот на бетон, или нема топла вода и греење итн.
Загрижувачки го смета и фактот што околу 80% од 17 затвори колку што ги има во земјава, нема лекар психијатар, општ лекар и нема процес на ресоцијализација. Зибери вели дека земјава треба да преземе итно мерки за подобрување на условите во правец на проширување на капацитетите, за здравствена грижа но и за проширување на човечките капацитети и за администрацијата.
-Да не зборуваме за внесувањето на недозволени предмети во затворите, како што се дрога, средства за комуникација итн. Состојбата во затворите во Македонија е многу тешка да не речам алармантна. Меѓународните стандарди велат дека еден чувар треба да се грижи за 15 затвореници, а знаете како е во Идризово, за 50 затвореници се грижи еден чувар. Така произлегуваат и други проблеми, напади од страна на затворениците врз чуварите и се става под знак прашалник безбедноста на самите чувари, изјави Насер Зибери, народен правобранител.
Народниот правобранител, Насер Зибери ја коментираше и амнестијата на затворениците, механизам за кој рече дека го поддржува но дека треба да важи за лица осудени за лесни дела, како што се престапи во сообраќај а не осуденици за тешки криминали.