Zjarri përfshin mijëra hektar në Kaliforni

Rreth 16 mijë hektar tokë janë përfshirë nga zjarri në Lake Country, në veri të San Franciskos.
Përveç kësaj edhe mijëra banorë janë detyruar të braktisin shtëpitë e tyre, pasi zjarri përhapej me shpejtësi.
Nga zjarri kanë pësuar djegie edhe 4 zjarrfikës, nga pesë sa ishin dalë në terren për të ndihmuar në fikjen e zjarrit.
Ky zjarr thuhet të jetë shkaktuar nga temperaturat e larta dhe thatësira që kanë shkaktuar këto temperatura kohëve të fundit në Kaliforni.
Mediat bëjnë me dije se për t’i ardhur në ndihmë banorëve që kanë lënë shtëpitë e tyre, Kryqi i Kuq ka ngritur kampe emergjente, ndërsa shteti deri më tani ka dhënë rreth 212 milion dollarë.