17-годишниот Никола го собори националниот рекорд на Светското првенство

17-годишниот Никола Ѓуретановиќ забележа извонреден настап на 400 метри на Светското првенство во 25-метарски базени, каде што постави нов национален рекорд.

Со фантастично време од 3:53.05, Никола го собори претходниот апсолутен и младински рекорд на Македонија, кој го држеше Марко Блажевски со 3:56.32. Разликата од цели 3 секунди и 27 стотинки го истакнува значајниот напредок на младиот пливач.

Иако трката ја заврши на 40. место во квалификациите, во конкуренција од 49 пливачи, подобрувањето на македонскиот рекорд претставува огромен успех за Никола и македонското пливање.