Околу 40 вработени како медицински и санитарен персонал на Гинеколошкиот оддел во Чаир остануваат без договори за работа! Иако се ангажирани во оваа болница една деценија со договори за работа, од 31 декември работат без плата бидејќи истекоа законските рокови.
-Ќе инсистираме овие луѓе кои се злоупотребени 10 и повеќе години од политички партии како ДУИ и СДСМ, држејќи ги како заложници и оставајќи ги без работни решенија цело време. Покажавме како влада дека нашиот пристап ќе биде различен со инвестирање во човечки капацитети со цел развој на здравството во согласност со европските стандарди. Сите институции на државно ниво поднесоа барања за продолжување, некои од нив и за зголемување на човечките капацитети, други за внатрешна реорганизација врз основа на профили-изјави Алиу.
Но, дури ни министерот Алиу не им гарантира трајни одлуки или договори со неопределено време. Тој рече дека ќе го чекаат барањето на менаџментот на болницата за тоа колку персонал е потребен за одлуките и од тоа ќе зависат и буџетските средства, предвидени од Фондот за здравство и Министерството за финансии.
-Не само во Чаир, туку во секоја државна институција, во секоја клиника, во секоја болница, ни требаат и ќе продолжиме да вработуваме лекари и медицински сестри. Исто така, ќе продолжиме со процесот на трансформација од вработени со договор на определено време во договори на неопределено време, бидејќи веруваме дека така ќе инвестираме во човечки капацитети во здравството. Без лекари и медицински сестри, залудно ја имаме инфраструктурата и технологиите ако немаме бели мантили во согласност со демографијата на државата-вели Алиу.
Раководството на болницата Чаир вели дека официјалните барања за продолжување на работниот однос на овие вработени се испратени навремено до надлежните институции, нагласувајќи дека болницата има реална потреба од овој персонал и дека нивното отсуство директно влијае на обезбедувањето здравствени услуги.Во слична ситуација се соочуваат и другите здравствени установи во земјата. Вработувањето не е извршено ниту во Тетовската болница, иако Министерството за финансии соопшти дека одобренијата се дадени уште од летото.