Ахмети: Извиците ОНА се природни, без ОНА немаше да биде денешната Македонија или воопшто немаше да постои

Лидерот на ДУИ, Али АХмети вечерва во дебатниот магазин „Click Plus“ на ТВ21 проговори и за извиците „ОНА“ на вчерашниот централен митинг на плоштад Македонија.

Тој вели дека тие биле природни, бидејќи без ОНА немало да биде денешната Македонија.

„Пред 15 години во истиот плоштад повикав на минута молчење за сите војници на ОНА. Затоа, кога го слушнав екот на младите кои извикуваа ОНА, сигурно дека ме вратија во 2001 година, но сигурно дека тој плоштад бил преполн со луѓе дојдени од четири страни, патриоти, за да дадат поддршка за една филозофија, за една платформа која ја чувствуваат како своја и извиците ОНА се природни бидејќи без ОНА немаше да биде денешната Македонија оваа која е, или пак немаше воопшто да постои. Беше ОНА таа која го промени политичкиот, правниот статус на Албанците во Македонија, но и другите заедници кои беа присутни таму и за прв пат овие заедници влегоа заедно во еден Фронт бидејќи и тие видеа дека ОНА и на нив им го смени политичкиот и правниот статус, и тие добија некои нивни права, независно што после 20 години, но сега е соодветниот момент, овој важен момент и за нив, но повеќе за нас како најголемата заедница во земјава. Нема потреба да се срамиме да се извикува ОНА во сите плоштади и градови во Р. Македонија“, вели Ахмети.

Целото интервју на ТВ21 во 21:15 часот