Хрватска се соочува со сериозен демографски предизвик кој директно се одразува врз образовниот систем. Во изминатите 13 учебни години, бројот на ученици во основните и средните училишта се намалил за дури 63.918, односно за 12,5 проценти.
Според податоците од Училишниот електронски регистар на хрватското Министерство за наука, образование и млади, најдраматична е состојбата во Вуковарско-сремската жупанија, каде што бројот на ученици се намалил за повеќе од една третина.
Од друга страна, единствено Загреб и Истарската жупанија бележат позитивен тренд. Во главниот град бројот на ученици пораснал за 2.095, односно за 2,16 проценти, додека во Истра се регистрирани 399 ученици повеќе, што претставува зголемување од 1,87 проценти во споредба со учебната 2013/2014 година.
Намалувањето е забележано и во основното и во средното образование, при што бројот на момчиња е намален за 12,88 проценти, а на девојчиња за 12,22 проценти.
Сепак, најновите податоци покажуваат дека негативниот тренд постепено забавува. Додека меѓу учебните 2014/2015 и 2015/2016 година бројот на ученици се намалил за речиси 12.000, меѓу учебните 2025/2026 и 2026/2027 година падот изнесува само 537 ученици.
Иако темпото на намалување е значително побавно, долгорочните податоци укажуваат на големи регионални разлики и продолжување на демографските предизвици со кои се соочува Хрватска.