Андрес Иниеста се прости од фудбалот: „Ова се солзи на дете од малиот град“

Поранешниот играч за врска на Барселона и Шпанија, 40-годишниот Андрес Иниеста објави крај на својата играчка кариера по 24 години исполнети со трофеи.

Тој беше еден од клучните играчи во Шпанија и средниот ред на Барселона во периодите на постојани успеси за двата тима во доцните 2000-ти и раните 2010-ти.

„Ве молам, дозволете ми да бидам малку емотивен денес“, изјави на прес-конференција расплаканиот Иниеста, кој неодамна играше за клубот „Емирати“ во Обединетите Арапски Емирати.

„Никогаш не мислев дека ќе дојде овој ден. Не го замислував. Да, сите овие солзи што ги пролеавме овие денови се солзи на емоции, на гордост. Тие не се солзи на тага. Тие се солзи на тоа момче од мал град како Фуентеалбила, кој сонуваше да стане фудбалер и го постигна по многу напорна работа, жртвa… откажувања. Во мојот живот, се чувствувам многу горд на ова патување, со сите луѓе што го следеа јас“, изјави Иниеста.