Австрискиот министер за надворешни работи Александар Шаленберг ќе ја преземе функцијата привремен канцелар до формирањето на новата влада, соопшти кабинетот на претседателот Александар Ван дер Белен.
Шаленберг ќе ја преземе функцијата канцелар откако претходниот канцелар Карл Нехамер објави дека поднесува оставка во текот на викендот поради неуспехот на обидот за формирање коалиција без учество на десничарската Партија на слободата, пренесе АП.
Нехамер планира да ја напушти функцијата во петок. Кабинетот на претседателот Александар ван дер Белен соопшти дека претседателот и формално ќе го назначи Шаленберг да ја води привремената влада и да ја извршува функцијата канцелар.