Автомобил попладнево удри во група пешаци во западниот дел на Глазгов, по што полицијата да го затвори патот и ги повика луѓето да ја избегнуваат областа.
Полицијата на Шкотска соопшти дека сообраќајната несреќа, во која учествувале автомобил и повеќе пешаци, се случила во 15:45 часот по локално време.
Полициските сили сè уште немаат потврдено колку точно пешаци биле вмешани.
„Патот Хајндленд во Глазгов е затворен по сообраќајната несреќа во која учествуваа автомобил и повеќе пешаци, а која се случи околу 15:45 часот во вторникот, 10 ноември“, се вели во полициското соопштение.
„Итните служби се на терен и апелираме до возачите да ја избегнуваат оваа област“, додаде локалната полиција.
Снимките и фотографиите споделени на социјалните мрежи покажуваат голем број припадници на итните служби на патот, заедно со повеќе полициски возила, возила на брзата помош и противпожарни возила.
Шкотската противпожарна и спасувачка служба исто така потврди дека била повикана на местото на инцидентот.