Кандидатот на ВЛЕН за градоначалник на Гостивар, Невзат Бејта, ги обвини поранешниот градоначалник Арбен Таравари и поранешниот вршител на должноста Валбон Лимани за злоупотреби на општинскиот буџет. Според Бејта, тие ги „пумпале“ цените за два проекти: изградбата на салата на Советот и проект за потребите на градот.
„Салата на Советот, која за да биде функционална може да чини најмногу 50 илјади евра, тие ја изградиле по цена од приближно 750 илјади евра. Го имаме документот, ја имаме цената, потпишана од Арбен Таравари. За да се подготви проект за потребите на општината чини 5 илјади евра, тие ја направиле цената 200 илјади евра. На ваков начин го уништиле буџетот на Општина Гостивар“, вели Невзат Бејта.
Со реакција излезе Националната алијанса за интеграција, под чие лого Валбон Лимани се кандидира за градоначалник на Гостивар. Тие велат дека Бејта се обидува да ја измами јавноста со фабрикации и клевети, но нагласуваат дека граѓаните многу добро ја познаваат неговото политички минато, како и грабежите поврзани со неговото име.
„Наместо да шири невистинити обвинувања, тој треба да даде јасни одговори пред граѓаните:
– како ги реализирал акциите во хидроцентралите,
– од каде потекнува инвестицијата од над 30 милиони евра во Маврово,
– како е извршена продажбата на атрактивни државни земјишта во Гостивар за време на неговото владеење со неговиот криминален клан,
– и колку предмети го следат поради сомнежи за злоупотреби“.
Од НАИ заклучуваат дека Општина Гостивар постојано била под надзор на институциите и никогаш не било утврдено злоупотреба на јавни средства. Исто така наведуваат дека ова е нивната прва и последна реакција кон, како што тие го нарекуваат компромитираниот кандидат.