Збеснаа пазарите на криптовалути во вторникот вечерта, очекувајќи победа на Доналд Трамп. Вената на биткоинот достигна 75.000 долари. Тоа е највисока вредност на сите времиња, после онаа во март кога достигна 73.000 долари.
Трамп и Републиканците целосно го прифатија криптото летоска, што резултираше со голема поддршка од индустријата, која се спротивставуваше на порестриктивните политики на администрацијата на Бајден.
Веројатноста за победа на Трамп дојде и како потврда за крипто-базирана обложувалница Полимаркет, чии пазари за предвидувања укажуваат на победа на републиканскиот кандидат со недели. На почетокот на денот на изборите, страницата го фаворизираше Трамп со околу 58 отсто, но доцна навечер во вторникот, тие шанси се зголемија на околу 90 отсто.
Во меѓувреме, мноштво други криптовалути зајакнаа како што доаѓаа резултатите од изборите.
Новaтa криптовалута Dogecoin забележа најголема добивка, искачувајќи се за речиси 20%. Напливот е објаснет во голем дел од технолошкиот милијардер и сојузник на Трамп, Илон Маск, кој долго време беше поттикнувач на Dogecoin и неодамна тврдеше дека ќе управува со Одделот за владина ефикасност (DOGE) под администрацијата на Трамп.